દિલ મા કોઇની યાદ ના પગલાં રહી ગયા - આદિલ મંસૂરી

Get music codes at Bolt.

દિલ મા કોઇની યાદ ના પગલાં રહી ગયા,
ઝાંકળ ઊડી ગયું અને ડાઘાં રહી ગયા.

એને મળ્યા છતાંય કોઇ વાત ના થઇ,
ગંગા સુધી ગયા અને પ્યાસા રહી ગયા.

ફૂલો લઇને બાગથી હું નીકળી ગયો,
ને પાનખરના હાથમાં કાંટા રહી ગયા.

વરસ્યા વિના જંતી રહી શિર પરથી વાદળી,
'આદિલ' નજર ઉઠાવીને જોતા રહી ગયા.

હ્રદય છલકાઇને મારું - કૈલાસ પંડિત

ગાયક : મુકેશ


Get music codes at Bolt.

હ્રદય છલકાઇને મારું તમારો પ્યાર માંગે છે
ભરેલા જામ જાણે ખુદ હવે પીનાર માંગે છે

ન વર્તન જો ગમે મારું તો તું વ્યવહાર રહેવા દે
જમાના કેમ તું હાથે કરી તકરાર માંગે છે

ખરે છે રોજ તારાઓ ભલા શાને ગગનમાંથી
મુલાયમ કોણ એવો નિત્યનો શણગાર માંગે છે

સહારો આંસુઓનો પણ હવે 'કૈલાસ' ક્યાં બાકી
રુદનના કારણો દુનિયા ખુલાસા વાર માંગે છે

ભૂલે-ચૂકે મળે તો મુલાકાત માંગશું

Get music codes at Bolt.

ભૂલે-ચૂકે મળે તો મુલાકાત માંગશું
શણગારવા હ્રદયને એક આધાર માગશું

દિલના વિચાર દિલમાં ઉઠ્યાને શમી ગયા
અજવાળી રાત ગુજરી ગઇ કાળી રાતમાં
પ્રિતમની સાથે પહેલી મુલાકાતના સમય
જેની સવાર ના પડે એ રાત માંગશું

માન્યું કે જેને મળવું છે તેઓ નથી મળે
હું થઇ ગયો નિરાશ કે આશા નહીં ફળે
પણ એની સાધનામાં ભલે જિંદગી ઢળે
મૃત્યુ પછીની લાખ મુલાકાત માંગશું

મારા ઝાઝા વંદન જલારામને - મોહન પટેલ

આને જલારામ બાપાની કૃપા જ કહેવાય, કે જલારામ જયંતીને દિવસે હું ટહુકાની 100મી પોસ્ટ પ્રસિધ્ધ કરું છું. આમ તો જલારામ બાપાના ભજન યાદ કરું, તો મને 'જલારામ મહિમા' કેસેટમાં જે ભજનો છે, 'અમી ભરેલી નજરું રાખો વીરપુરવાળા બાપા રે', 'જ્યોત રે જગાવી અમે જલા તારા નામની', 'ધન્ય સોરઠની ધરણી રે આજ', 'જલારામ જલારામ જય જલિયાણ' વગેરે તરત જ યાદ આવે, કારણ કે જ્યારે ભજન અને બાકીના ગીત વચ્ચેનો તફાવત સમજવા જેટલી સમજણ પણ ન'હોતી, ત્યારથી એ ભજનો સાંભળ્યા છે.

કોઇ પાસે જો એ ભજન mp3 માં હોય તો મને જરૂરથી મોકલશો. સાથે સાથે, શ્રી મોહન પટેલએ લખેલું આ જલારામ ભજન સાંભળીયે.


Get music codes at Bolt.


વીરપુર ગામે, જલિયાણ નામે, સંત વસે ત્યાં એક
પ્રાણ જાયે પણ વચન ન જાયે, એવી એની ટેક

મારા ઝાઝા વંદન જલારામને
જલારામને બાપા જોગી જલિયાણને

જગના નક્શામાં મુક્યું વીરપુર ગામને
ભક્તજનો આવે એની રામ ઝુંપડીએ

ઘણી ખમ્મા ખમ્મા જલારામને
જલારામને બાપા જોગી જલિયાણને ...

ભર્યો ભંડારો એણે ભુખ્યાને કાજે
સદાવ્રત ધારી એ તો સાધુ સંત માટે

પાયે લાગું જોગી જલારામને
જલારામને બાપા જોગી જલિયાણને ...

સેવા ને સ્મરણ એના રુદિયે સમાયા
અલ્લા કેવાણા અમર લેખ લખાણા

'મોહન' હરદમ જપે જલારામને
જલારામને બાપા જોગી જલિયાણને ...

નજરને કહી દો કે નીરખે ને એવૂં ...

Singer : Soli Kapadia.


Get music codes at Bolt.

Dear Visitors,
Somehow my computer is not working properly, so I am unable to write the lyrics here in gujarati. I will fix the problem as soon as possible. Till then, enjoy the music.

Jayshree.

સમય - કુતુબ ‘આઝાદ’

સમયનો સાદો નિયમ છે કે એ અટકતો નથી
નિયમ છે પ્રેમનો સાદો કે એ કદિ ટકતો નથી
તમારો સાદો નિયમ છે કે સૌને ભટકાવો
ને મારો સાદો નિયમ છે કે હું ભટકતો નથી


Get music codes at Bolt.

સંધ્યાની જેમ ક્ષણમાં ઢળી જાય છે સમય.
સદ્-ભાગી કો’ક ને જ ફળી જાય છે સમય.

રહેશો ના કોઇ પણ આ સમયના ગુમાનમાં
સરતો હવાની જેમ સરી જાય છે સમય.

ક્યારેય કોઇ એકનો થઇને રહ્યો નથી
રાજા અને નવાબનો બદલાય છે સમય.

‘આઝાદ’ અણઉકેલ સમસ્યા છે આ સમય
સમજી શકે છે તેમને સમજાય છે સમય .

સાંસો કી માલા પે - નુસરત ફતેહઅલી ખાન

થોડા દિવસો પહેલા 'ना तो कारवाँ की तलाश है... ...' કવ્વાલી મૂકેલી ત્યારે નુસરત ફતેહઅલી ખાનને યાદ કર્યા હતા ને, તો આજે એમની એક ઘણી જ સરસ કવ્વાલી મૂકું છું. 20 મિનિટ સુધી ચાલતી આ કવ્વાલી મને સૌથી વધુ ગમતી કવ્વાલીઓમાં આવે. સાંસોકી માલા પે સિમરું મૈં પી કા નામ... આ જ શબ્દો અને ધૂન પરથી એક ફિલ્મનું ગીત પણ છે, પણ મારા સદનસીબે મેં પહેલા આ કવ્વાલી સાંભળી હતી, અને પછી ઘણા વખત પછી ફિલ્મનું ગીત. એટલે ગીતની અસલ મઝા હજુ પણ માણી શકું છું (ફ્લેશબેકમાં ફિલ્મનું ગીત યાદ કર્યા વગર).

આમ તો આખી કવ્વાલી જ ગમે છે, પણ એમાંથી વધુ ગમતી પંક્તિઓ...

सजनी पाती तब लिखुं जो प्रितम हो परदेस,
तनमें मनमें पिया बसे भेजुँ किसे संदेस

प्रेमके रंगमें ऐसी डुबी, बन गया एक ही रुप
प्रेमकी माला जपते जपते आप बनी मैं श्याम




Get music codes at Bolt.

ધમ ધમક ધમ ધમ ધમ.... સાંબેલું...

One quick note before you start listening this Natkhat Song..

આજ મુબારક…
કાલ મુબારક…
સૌને મારા વ્હાલ મુબારક…
સૌને મારા સાલ મુબારક…


Get music codes at Bolt.

ધમ ધમક ધમ ધમ ધમ.... સાંબેલું...
અલક મકલનું અલબેલું.... સાંબેલું...
જનમ જનમથી વઉને માથે ભાંગેલું.. સાંબેલું..

જેવી ઘઉંમાં કાંકરી, નણંદ મારી આંકરી
હાલે ના પેટનુ પાણી, એવી મારી દેરાણી.. સાંબેલું..

જેવી ફૂટે ધાણી, એવી મારી જેઠાણી
જેવો કુવો ઉંડો, જેઠ એવો ભુડોં... સાંબેલું..

હોય છો ને બટકો, દિયર વટનો કટકો
લીલી લીલી વાડીઓ, ને સસરો એમાં ચાડિયો.. સાંબેલું..

એવો બાંધો સાસુ તણો, પાણીમાં જેમ ફૂલે ચણો
મીઠો મગનો શીરો, એવો નણંદનો વીરો.. સાંબેલું..

અમે એવા છઇએ - સુરેશ દલાલ.

હમણાં થોડા દિવસો પહેલા સરખા લાગતા ગીતો મોરપિચ્છ અને ટહુકા પર મુક્યા હતા, એ તો યાદ હશે તમને. આજે પણ એક એવું ગીત લઇને આવી છું, કે સાંભળતા હો સુરેશ દલાલને અને રમેશ પારેખ વારે વારે યાદ આવે... ગીતના શબ્દો છે, "તમે માછલી માગો ને અમે દરિયો દઇએ.".. હવે તમે જ કહો, રમેશ પારેખનું પેલુ ખૂબ જાણીતું "વ્હાલબાવરીનું ગીત - હું તો ખોબો માગું ને દઈ દ્યૈ દરિયો ! " યાદ ન આવે એવું બને ?

સ્વર : હંસા દવે


Get music codes at Bolt.

અમે એવા છઇએ, અમે એવા છઇએ.
તમે માછલી માગો ને અમે દરિયો દઇએ.

તમે અમથું જુઓ તો અમે દઇ દઇએ સ્મિત,
તમે સૂર એક માગો તો દઇ દઇએ ગીત,

તમે વાંસળી કહો ત્યાં અમે વૃન્દાવન જઇએ,
અમે તારા બગીચાની માલણ છઇએ.

તમે પગલું માંડો કે અમે થઇ જઇએ પંથ,
અમે ફૂલોની પાંદડીમાં છૂપી વસંત,

તમે પૂછો નહિ અમને અમે કેવા છઇએ,
અમે તારા આકાશમાં પારેવાં છઇએ.

અમે યુ.એસ.એ. ના રહેવાસી.... - ચન્દુ મટ્ટાણી

આમ તો દેશ અને કુટુંબ કાયમ જ યાદ આવે... અને દિવાળીના દિવસો હોય તો તો પૂછવું જ શું ? પછી ઊર્મિએ કહ્યું એમ, દેશમાં દોડી જવાની ઇચ્છા ન થાય તો જ નવાઇ...

મારે તો અમેરિકામાં આ બીજી દિવાળી છે..(અને દિલથી તેમજ કાયદાની રીતે પણ હું હજી ભારતવાસી જ છું.. :) પણ જેઓ વર્ષોથી અહીંયા કે પછી ગુજરાતથી દૂર છે, એમણે તો જે-તે દેશમાં રહીને જ પોતાની અંદરના ગુજરાતને જીવતું રાખ્યું હોય છે. એમની ભાવનાને ખૂબ સરસ રીતે 'મા ભોમ ગુર્જરી'માં વણી લેવામાં આવી છે. તો એમાંથી એક ગીત આજે સાંભળીએ.. અને થોડા હસી લઇએ.

સાથે સાથે... સૌને મારા તરફથી દિવાળી અને નવ-વર્ષની શુભેચ્છાઓ.


Get music codes at Bolt.

અમે યુ.એસ.એ. ના રહેવાસી પણ છીએ દિલથી ભારતવાસી

અમેરિકા તો વર્લ્ડ-ક્લાસ છે મનમાં એવો દમામ
ડોલર-સેંટમાં દીઠા સૌએ અડસઠ તીરથધામ

ન્યુ જર્સી કે મેનહટન વોશિંગટન બાલ્ટીમોર
વેસ્ટ કોસ્ટમાં હોલીવુડ ને ડીઝની કેરો શોર

સાંજ પડે ને સાંભરે અમને ડેડ-મોમ ને માસી
અમે યુ.એસ.એ. ના રહેવાસી પણ છીએ દિલથી ભારતવાસી

મોટલ વાળા પટેલ મગનભાઇ મેક થયા છે ભાઇ
નોખા રહેતા ઇંડિયન થઇ કહેવાયા એન.આર.આઇ

સ્વીચ ઉંધી નળ ઉંધા ચાલે ગાડી ઉંધે પાટે
ક્રિકેટ ગિલ્લી-દંડા છોડી બેઝબોલ માટે બાધે

ગોટ-પિટ ગોટપિટ કરતા જો મોટેલ પર બેઠા માસી
અમે યુ.એસ.એ. ના રહેવાસી પણ છીએ દિલથી ભારતવાસી

વ્યથા હોવી જોઈએ -’મરીઝ’

સ્વર ': મનહર ઉધાસ


Get music codes at Bolt.

આ મુહોબ્બત છે કે છે એની દયા, કહેતા નથી
એક મુદ્દત થઇ કે તેઓ હા કે ના કહેતા નથી
બે જણા દિલથી મળે તો એક મજલિસ છે 'મરીઝ'
દિલ વિના લાખો મળે, એને સભા કહેતા નથી

--

હું ક્યાં કહું છું આપની ‘હા’ હોવી જોઈએ,
પણ ના કહો છો એમાં વ્યથા હોવી જોઈએ.

એવી તો બેદિલીથી મને માફ ના કરો,
હું ખુદ કહી ઊઠું કે સજા હોવી જોઈએ.

મેં એનો પ્રેમ ચાહ્યો બહુ સાદી રીતથી,
નહોતી ખબર કે એમાં કલા હોવી જોઈએ.

પૃથ્વીની આ વિશાળતા અમથી નથી ‘મરીઝ’,
એના મિલનની ક્યાંક જગા હોવી જોઈએ.

માણસ ઉર્ફે… - નયન દેસાઈ

ધવલભાઇના શબ્દોમાં આ ગઝલની પ્રસ્તાવના :

નયનભાઈને સાંભળવા એક મોટો લાહવો છે. મોટા ભાગના કવિઓ ગઝલ લખે છે અને સંભળાવે છે. જયારે નયન ગઝલ જીવે છે અને જીવી બતાડે છે. આંખ બંધ કરીને એ ઘેરા સ્વરથી ગઝલ, એવી તન્મયતાથી સંભળાવે કે જાણે એ પોતે ગઝલના વિશ્વમાં જ પહોંચી ગયા ન હોય અને સાથી શ્રોતાઓને પણ પોતાની સાથે જ લઈ જાય.

આ ગઝલના તો એટલા અર્થસ્વરૂપો છે કે રોજ એક જ શેર વાંચીને એને આખો દિવસ મમળાવો ત્યારે જ સંતોષ થાય.


Get music codes at Bolt.

માણસ ઉર્ફે રેતી, ઉર્ફે દરિયો, ડૂબી જવાની ઘટના ઉર્ફે;
ઘટના એટલે લોહી, એટલે વહેવું એટલે ખૂટી જવાની ઘટના ઉર્ફે…

ખુલ્લી બારી જેવી આંખો ને આંખોમાં દિવસો ઊગે ને આથમતા;
દિવસો મતલબ વેઢા, મતલબ પંખી, મતલબ ઊડી જવાની ઘટના ઉર્ફે…

પગમાંથી પગલું ફૂટે ને પગલાંમાંથી રસ્તાના કૈં રસ્તા ફૂટે;
રસ્તા અથવા ફૂલો અથવા પથ્થર અથવા ઊગી જવાની ઘટના ઉર્ફે…

વજ્જરની છાતી ના પીગળે, આંસું જેવું પાંપણને કૈં અડકે તો પણ;
આંસુ, એમાં શૈશવ, એમાં કૂવો, એમાં કૂદી જવાની ઘટના ઉર્ફે…

ચાલો સૌ આ સંબંધોની વણજારોને બીજે રસ્તે વાળી દઈએ,
સંબંધો સમણાંનાં ઝુમ્મર, ઝુમ્મર યાને ફૂટી જવાની ઘટના ઉર્ફે…

છાતીમાં સૂરજ ઊગ્યાનો દવ સળગે ને સૂરજ તો એક પીળું ગૂમડું,
ગૂમડું પાકે, છાતી પાકે, મહેફિલમાંથી ઊઠી જવાની ઘટના ઉર્ફે…

મૂઠી ભરીને પડછાયાનાં ગામ વસેલાં ને પડછાયા હાલે ચાલે,
પડછાયા તો જાણે ચહેરા, ચહેરા જાણે ભૂલી જવાની ઘટના ઉર્ફે…

રામદેવપીર નો હેલો..

Get music codes at Bolt.

કૃષ્ણ સુદામાની જોડી ...

શ્રી પ્રેમાનંદના પુસ્તક 'સુદામા ચરિત્ર' માંથી કૃષ્ણ સુદામા મેળાપ પરનું એક કાવ્ય 'મોરપિચ્છ' પર વાંચો.

કવિ : કાંતિ અશોક
સ્વર અને સંગીત : પુરુષોત્તમ ઉપાધ્યાય


Get music codes at Bolt.

નહીં રે જાણેલી, કદી નહીં રે માણેલી
જેની ગોઠડી તોડાય નહીં તોડી
સંતો રે એવી કૃષ્ણ સુદામાની જોડી

દ્વારિકાના નાથનો ઉંચેરો મહેલ છે
દીન રે સુદામો આવી બારણે ઉભેલ છે

હે.... વ્હાલો ઝૂલે હિંડોળા ખાટ
રાણી રુખમણીની સાથ
ત્યાં તો જાણી એવી વાત
સુદામો જુએ પ્રભુની વાટ

આવે શામળિયો સામેથી દોડી દોડી
આવી કૃષ્ણ સુદામાની જોડી

સાહ્યબી નિહાળીને સુદામો શરમાય છે
તાંદુલની પોટલી ધરતાં ખચકાય છે

હે... વ્હાલો માંગી માંગી ખાય
ફાકે ચપટી ને હરખાય
કૌતુક જોનારાને થાય
એવું શું છે તાંદુલ માંહ્ય

માધવ મૂલવે મીઠપ હાથ જોડી જોડી
આવી કૃષ્ણ સુદામાની જોડી

નહીં રે જાણેલી, કદી નહીં રે માણેલી
જેની ગોઠડી તોડાય નહીં તોડી
સંતો રે એવી કૃષ્ણ સુદામાની જોડી

હું કશુંક પી ગયો છું.... - ગની દહીંવાલા

સ્વર : પંકજ ઉધાસ


Get music codes at Bolt.

જો સુરા પીવી જ હો તો શાનની સાથે પીવો
કાં પ્રિયા કાં યાર બુધ્ધિમાનની સાથે પીવો
ખૂબ પી ચકચૂર થઇ, જગનો તમાશો ના બનો
કમ પીવો છાની પીવો પણ ભાનની સાથે પીવો
- ઉમર ખૈયામ અનુ.’શૂન્ય’ પાલનપુરી
----


ન તો કંપ છે ધરાનો, ન તો હું ડગી ગયો છું,
કોઈ મારો હાથ ઝાલો, હું કશુંક પી ગયો છું.

જો કહું વિનમ્ર ભાવે તો સૂરજ સુધી ગયો છું,
કે નજરનો તાપ જોવા હું નયન લગી ગયો છું.

હતો હું ય સૂર્ય કિન્તુ ન હતી તમારી છાયા,
ઘણીવાર ભરબપોરે અહીં આથમી ગયો છું.

આ હૃદય સમો તિખારો છે દઈ રહ્યો ઈશારો,
કોઈ કાળે સૂર્યમાંથી હું જુદો પડી ગયો છું.

નથી કાંઈ પ્રયાણ સરખું અને પથ કપાઈ ચાલ્યો,
નથી કાફલાની હસ્તી અને હું ભળી ગયો છું.

બહુ રાહતે લીધા છે મેં પસંદગીના શ્વાસો,
ન જિવાયું દર્દરૂપે તો સ્વયં મટી ગયો છું.

’ગની’ પર્વતોની આગળ આ રહ્યું છે શીશ અણનમ,
કોઈ પાંપણો ઢળી ત્યાં હું ઝૂકી ઝૂકી ગયો છું.

આભાર : જયદીપનું જગત

તબલા - ઝાકિર હુસૈન

જો તમે મારા બ્લોગ પર વારંવાર આવતા હો, તો અલ્પેશભાઇને તો ઓળખતા જ હશો. મારા મોટાભાઇ.. અને પેલુ કહેવાય ને, 'friend, philosopher and guide'. મારી જિંદગી પર ભાઇનો જેટલો પ્રભાવ છે, એને શબ્દો આપવાનું મારુ ગજુ નથી. અને સંગીત પ્રત્યેની મારી રૂચી પણ ભાઇને જ આભારી છે.

એક વાત આજે યાદ આવે છે. જ્યારે ભાઇ 2-3 વર્ષનો હતો, ત્યારે મમ્મી-પપ્પા અતુલ-ફર્સ્ટગેટ રહેતા. ઘર હાઇ-વે થી થોડુ દૂર, એટલે હાઇ-વે બાજુ જવાનું હોય તો એને 'ફર્સ્ટગેટ' જવાના, એવું જ કહેતા. અને ત્યાં ઘણી વાર મદારી આવતા, વાંદરા અને ડુગડુગી અને ઢોલક અને એવું બધું લઇને. ભાઇને એ એટલું ગમતુ, કે પપ્પા 5 વાગે ઘરે આવે, એટલે ભાઇ તૈયાર થઇ જાય. અને ત્યારે એને કદાચ સરખુ બોલતા પણ નો'તુ આવડતું. એટલે એ પપ્પાને કંઇક આવું કહેતો. 'પપ્પા.. ફજેત.. પપ્પા.. ઢમઢમ.. '

ઢોલક સાથેનો ભાઇનો પ્રેમ હજુ પણ અકબંધ રહયો છે ખરો. આમ તો ભાઇને સંતુર, વાંસળી, કે મોહનવીણા જેવું પણ ગમે, અને કિશોરી અમોલકર, રાજન-સાજન મિશ્રા, ભીમસેન જોષી.. વગેરેના 'વોકલ' ( આનું ગુજરાતી ? ) પણ ગમે.

તો યે.. ઢમઢમ એટલે ઢમઢમ.. બરાબર ને ભાઇ ?

મારી પાસે હમણા ઢોલક સંગીતની કોઇ સારી mp3 નથી. એટલે આજે તબલાથી જ કામ ચલાવી લઉં.

ભાઇ.. હેપ્પી બર્થ ડે.. ( 13 ઓક્ટોબર )


Get music codes at Bolt.

તમે અહીંયા રહો તો ... - ભાગ્યેશ જહા

થોડા દિવસો પહેલા બે સરખા જેવા ગીતો એક સાથે મોરપિચ્છ અને ટહુકો પર મૂકેલા; ( અમે દરિયો જોયો ને તમે યાદ આવ્યાં - ભાગ્યેશ જહા અને પાન લીલું જોયું ને તમે યાદ આવ્યાં - હરીન્દ્ર દવે )

આજે પણ કંઇક એવું જ.... "તમે અહીંયા રહો તો ... " અને "તમે વાતો કરો તો.." સુરેશ દલાલના હસ્તાક્ષરમાં "તમે વાતો કરો તો.. " સ્વરબધ્ધ થયેલું છે, એટલે ઘણાં એ કદાચ સાંભળ્યું હશે. અને 'તમે અહીંયા રહો તો, 'ભાગ્યેશ જહા'ની બીજી રચનાઓ સાથે 'આપણા સંબંધ' આલ્બમમાં સોલીભાઇએ ખૂબ સરસ ગાયું છે.


સ્વર : સોલી કાપડિયા


Get music codes at Bolt.

તમે અહીંયા રહો તો મને સારું રહે
આ જળને વહેવાનું કંઇ કારણ રહે

તમે આંખોથી આંસુ નીચોવી લીધું
આ વાદળને રડવાનું કાનમાં કીધું
તમે આવજો કહીને પછી આવશો નહીં
તમે ભૂલવાની ભ્રમણામાં ફાવશો નહીં

આ શબ્દોને ઉંડું એક વળગણ રહે
આ જળને વહેવાનું કંઇ કારણ રહે

હવે સૂરજ આથમશે તો ગમશે નહીં
આ સપનાનો પગરવ વર્તાશે નહીં
રાતે તારાને દર્પણમાં ઝીલશું નહીં
અને આભ સાથે કોઇ'દિ બોલશું નહીં

મારા દર્દોનું એક મને મારણ રહે
આ જળને વહેવાનું કંઇ કારણ રહે

એક પંખી સૂરજ સામે સળગી જશે
એના સપનાઓ વીજળીમાં ઓગળી જશે
તમે ચીરી આકાશ ક્યાંય ઊડતા નહીં
આ ખારા સાગરને ખૂંદતા નહીં

અહીં વરસાદે વરસાદે ભીનું રહે
આ જળને વહેવાનું કંઇ કારણ રહે

અહીં ઉપવનમાં આંસુના ઉગશે બે ફૂલ
આંખ રડશે કે તડકામાં સળગી 'તી ભૂલ
તમે આશાની આશામાં રડશો નહીં
તમે હસવામાં હસવાનું ભરવાનું નહીં

અહીં વૃક્ષોનું ડોલવાનું કાયમ રહે
આ જળને વહેવાનું કંઇ કારણ રહે

પંખીડાને આ પીંજરુ

Get music codes at Bolt.

પંખીડાને આ પીંજરુ જૂનું જૂનું લાગે
બહુ એ સમજાવ્યું તો યે પંખી નવું પીંજરુ માંગે

ઉમટ્યો અજંપો એને, પંડના રે પ્રાણનો
અણધાર્યો કર્યો મનોરથ દૂરના પ્રયાણનો
અણદીઠેલ દેશ જાવા, લગન એને લાગે
બહુ એ સમજાવ્યું તો યે પંખી નવું પીંજરુ માંગે

સોને મઢેલ બાજઠિયોને, સોને મઢેલ ઝૂલો
હીરે જડેલ વિંઝણો મોતીનો મોંઘો અણમોલો
પાગલના થઇએ ભેરુ, કોઇના રંગ લાગે
બહુ એ સમજાવ્યું તો યે પંખી નવું પીંજરુ માંગે

તારા રે નામનો છેડ્યો એકતારો...(આજ નો ચાંદલિયો)

Get music codes at Bolt.

તારા રે નામનો છેડ્યો એક તારો
હું તારી મીરા તુ ગીરીધર મારો
આજ નો ચાંદલિયો મને લાગે બહુ વ્હાલો
કહી દો સુરજને કે ઉગે નહીં ઠાલો

આપણે બે અણજાણ્યા પરદેશી પંખી
આજ મળ્યા જુગજુગનો સથવારો ઝંખી
જોજે વિખાય નહીં શમણાનો માળો
કહી દો સુરજને કે ઉગે નહીં ઠાલો

દો રંગી દુનિયાની કેડી કાંટાળી
વસમી છે વાટ કેમ ચાલુ સંભાળી
લાગે ના ઠોકર જો હાથ તમે ઝાલો
કહી દો સુરજને કે ઉગે નહીં ઠાલો

ગાંડિવ લઇ હાથમાં અર્જુન થા યુવાન

Get music codes at Bolt.

ગાંડિવ લઇ હાથમાં અર્જુન થા યુવાન
બની સારથી ઉભો છે યોગેશ્વર ભગવાન

કંટકમાં કેડી તુ કરજે કુનેહથી
પુષ્પની સુગંધને સંભાળજે તુ સ્નેહથી
સુખ-દુ:ખમાં સમતાનું ગાજે તું ગાન
તારી સાથે ઉભો છે યોગેશ્વર ભગવાન

કર્મ વિના મળતુ ના, ગીતા ઉપદેશ છે
એળે ના જાય કર્મ, ગીતા સંદેશ છે
શક્તિ છે તારામાં, કરતો જા કામ
તારી સહાયમાં ઉભો છે યોગેશ્વર ભગવાન

ઉભરાતુ યૌવન યોગેશ્વર ને આપજે
કામ કરી ઇશ્વરના જીવન દિપાવજે
ઘર ઘર ને કરજે તુ ભકિતના ધામ
તારી ભકિતમાં શક્તિ થઇ ભળશે ભગવાન

જીવનમાં લાચારી લેશ તુ ના લાવજે
પાંડવ થઇ પૃથ્વી પર પાપ ને પડકારજે
લડજે ખુમારીથી જીવન સંગ્રામ
બની સારથી ઉભો છે યોગેશ્વર ભગવાન

ना तो कारवाँ की तलाश है... ...

સંગીતના અલગ અલગ પ્રકારોમાં મને ગમતો એક પ્રકાર એટલે કવ્વાલી પણ ખરો. પછી એમાં નુસરત ફતેહઅલી ખાન, રાજન-સાજન મિશ્રા, સાબરી ભાઇઓ.. એ બધાની કવ્વાલી પણ આવી જાય, અને નિગાહેં મિલાને કો જી ચાહતા હૈ, શરમાકે યે ક્યું સબ પરદાનશીં, તેરી મહેફિલમેં કિસ્મત આઝમાકર.. જેવી ફિલ્મી કવ્વાલીઓ પણ ગમે. નવી ફિલ્મોમાં આમ તો કવ્વાલીઓ એટલી નથી હોતી, પણ 'જા વે સજના, દેર ના હો જાયે, મુઝે ઇશ્ક હો ગયા.. વગેરે ઘણી સારી કવ્વાલીઓ છે ખરી.

અને આજે અહીં જે મુકી છે, એ મને સૌથી વઘુ ગમતી કવ્વાલીઓમાં આવે. આખો દિવસ આ ને આ જ સાંભળુ તો યે જરા કંટાળો ના આવે. ઘણા વખતથી ખોજ પછી મને એની mp3 ફાઇલ મળી હતી. મને તો હજુ પણ જેટલી વાર સાંભળું એટલી વાર આ કવ્વાલી મઝાની લાગે છે. અને આ કવ્વાલીમાં મને સૌથી ગમતા શબ્દો જો વિચારું તો:


तेरा इश्क है मेरी आरज़ु, तेरा इश्क है मेरी आबरु..
तेरा इश्क मैं कैसे छोड दुं, मेरी उम्रभरकी तलाश है..

Hindi Song Title: Na To Caarvaan Ki Talaash Hai
Hindi Movie/Album Name: BARSAAT KI RAAT
Singer(s): MOHD. RAFI, MANNA DEY, ASHA BHOSLE & SUDHA MALHOTRA


Get music codes at Bolt.

Hindi Lyrics:

Na To Caarvaan Ki Talaash Hai, Na To Humsafar Ki Talaash Hai
Mere Shauq-E-Khaana Kharaab Ko, Teri Rehguzar Ki Talaash Hai

Mere Naamuraad Junoon Ka Hai Ilaaj Koi To Maut Hai
Jo Dava Ke Naam Pe Zehar De Usi Chaaraagar Ki Talaash Hai

Tera Ishq Hai Meri Aarzoo, Tera Ishq Hai Meri Aabroo
Dil Ishq Jism Ishq Hai Aur Jaan Ishq Hai
Imaan Ki Jo Poochho To Imaan Ishq Hai
Tera Ishq Hai Meri Aarzoo, Tera Ishq Hai Meri Aabroo,
Tera Ishq Maein Kaise Chhod Doon, Meri Umra Bhar Ki Talaash Hai

Jaansoz Ki Haalat Ko Jaansoz Hi Samjhega
Maein Shamaa Se Kehta Hoon Mehfil Se Nahin Kehta Kyonki
Ye Ishq Ishq Hai Ishq Ishq, Ye Ishq Ishq Hai Ishq Ishq

Sahar Tak Sabka Hai Anjaam Jal Kar Khaak Ho Jaana,
Bhari Mehfil Mein Koi Shammaa Ya Parvaana Ho Jaye Kyonki
Ye Ishq Ishq Hai Ishq Ishq, Ye Ishq Ishq Hai Ishq Ishq

Vehshat-E-Dil Rasm-O-Deedaar Se Roki Na Gayi
Kisi Khanjar, Kisi Talvaar Se Roki Na Gayi
Ishq Majnu Ki Vo Aavaz Hai Jiske Aage
Koi Laila Kisi Deewaar Se Roki Na Gayi, Kyonki
Ye Ishq Ishq Hai Ishq Ishq, Ye Ishq Ishq Hai Ishq Ishq

Vo Hanske Agar Maangen To Hum Jaan Bhi Deden,
Haan Ye Jaan To Kya Cheez Hai Imaan Bhi Deden Kyonki
Ye Ishq Ishq Hai Ishq Ishq, Ye Ishq Ishq Hai Ishq Ishq

Naaz-O-Andaaz Se Kehte Hain Ki Jeena Hoga,
Zehar Bhi Dete Hain To Kehte Hain Ki Peena Hoga
Jab Maein Peeta Hoon To Kehten Hai Ki Marta Bhi Nahin,
Jab Maein Marta Hoon To Kehte Hain Ki Jeena Hoga
Ye Ishq Ishq Hai Ishq Ishq, Ye Ishq Ishq Hai Ishq Ishq

Mazhab-E-Ishq Ki Har Rasm Kadi Hoti Hai,
Har Kadam Par Koi Deewaar Khadi Hoti Hai
Ishq Aazad Hai, Hindu Na Musalmaan Hai Ishq,
Aap Hi Dharm Hai Aur Aap Hi Imaan Hai Ishq
Jis Se Aagaah Nahi Shekh-O-Barahaaman Dono,
Us Haqeeqat Ka Garajtaa Hua Ailaan Hai Ishq

Ishq Na Puchhe Deen Dharm Nu, Ishq Na Puchhe Jaataan
Ishq De Haathon Garam Lahu Vich, Doobiyaan Lakh Baraataan Ke
Ye Ishq Ishq Hai Ishq Ishq, Ye Ishq Ishq Hai Ishq Ishq

Raah Ulfat Ki Kathin Hai Ise Aasaan Na Samajh
Ye Ishq Ishq Hai Ishq Ishq, Ye Ishq Ishq Hai Ishq Ishq

Bahut Kathin Hai Dagar Panghat Ki
Ab Kya Bhar Laun Maein Jamuna Se Matki
Maein Jo Chali Jal Jamuna Bharan Ko
Dekho Sakhi Ji Maein Jo Chali Jal Jamuna Bharan Ko
Nandkishor Mohe Roke Jhaadon To
Kya Bhar Laun Maein Jamuna Se Matki
Ab Laaj Raakho More Ghoonghat Pat Ki

Jab Jab Krishn Ki Bansi Baaji, Nikali Raadha Saj Ke
Jaan Ajaan Ka Maan Bhula Ke, Lok Laaj Ko Taj Ke
Janak Dulaari Ban Ban Doli, Pahan Ke Prem Ki Maala
Darshan Jal Ki Pyaasi Meera Pi Gai Vishh Ka Pyaala
Aur Phir Araj Kari Ke
Laaj Raakho Raakho Raakho, Laaj Raakho Dekho Dekho,
Ye Ishq Ishq Hai Ishq Ishq, Ye Ishq Ishq Hai Ishq Ishq

Allah Rasool Ka Farmaan Ishq Hai
Yaane Hafeez Ishq Hai, Quraan Ishq Hai
Gautam Kaa Aur Maseeh Ka Armaan Ishq Hai
Ye Kaaynaat Jism Hai Aur Jaan Ishq Hai
Ishq Sarmad, Ishq Hi Mansoor Hai
Ishq Moosa, Ishq Koh-E-Noor Hai
Khaaq Ko But, Aur But Ko Devta Karta Hai Ishq
Intaha Ye Hai Ke Bande Ko Khuda Karta Hai Ishq

Haan Ishq Ishq Tera Ishq Ishq
Tera Ishq Ishq, Ishq Ishq