ટહુકો

મારી સંગીતની દુનિયાની એક ઝલક

Friday, August 11, 2006

ઉંચકી સુગંધ એક ઊભું ગુલાબ - ભાગ્યેશ જહા

સ્વર : સોલી કાપડિયા.


Upload music at Bolt.

ઉંચકી સુગંધ એક ઊભું ગુલાબ
એની વેદનાની વાતોનું શું?
કાંટાંથી છોલાતી લાગણી ને સપનાંઓ
ઉંઘ છતાં જાગવાનું શું?

સુવાસે પડઘાતું આખું આકાશ
છતાં ખાલીપો ખખડે ચોપાસ.
ઉપવનના વાયરાની લે છે કોઇ નોંધ?
કોણ વિણે છે એકલી સુવાસ?
વાયરો કહે તેમ ઉડવાનું આમ તેમ
વાયરાનું ઠેકાણું શું? - ઉંચકી સુગંધ……

ધારોકે ફૂલ કોઇ ચૂંટે ને સાચવે,
ને આપે ને સુંઘે તો સારું.
ધારો કે એક’દીની જિંદગીમાં મળવાનું,
થોડું રખાય તો ય સારું.
પણ ઉપવનમાં ઝુરવાની હોય જો સજા,
તો મળવાના ખ્વાબોનું શું ? - ઉંચકી સુગંધ……

(આભાર : લયસ્તરો, રાધિકા)

4 Comments:

At 8/11/2006 02:04:00 PM , Blogger Suresh said...

આપણું બહુ જ પ્રિય ગીત આ રીતે વાંચતાં વાંચતાં સાંભળવાની મજાની પહેલી જ વાર અનુભૂતિ થઇ.
આભાર, જયશ્રી!

 
At 8/12/2006 12:28:00 AM , Anonymous અમિત said...

સુંદર ગીત...

 
At 8/13/2006 01:07:00 PM , Anonymous Dhaval said...

આ સાંભળીને મઝા આવી ગઈ... સુરેશભાઈ, જયશ્રી અને રાધિકાએ દુનિયાના જુદા જુદા ખૂણેથી આ શબ્દો અને સૂરને ભેગા કરી આપ્યા એ પોતે જ એક આનંદ છે.

 
At 8/14/2006 10:42:00 AM , Blogger manvant said...

વાહ!બધાજ બ્લોગધારકોને ખૂબ જ અભિનંદન !
આપ સૌ બધા વાચકોને સરસ પીરસો છો ,તે
બધું મારે મન તો મિષ્ટાન્ન બરાબર છે ! પરમ
કૃપાળુ તમારી શક્તિઓને ખૂબ ખૂબ વિકસાવે
એવી પ્રાર્થના છે !શુભેચ્છા છે !

 

Post a Comment

Subscribe to Post Comments [Atom]

<< Home